Muri Leta Zunze Ubumwe za Amerika abashakashatsi bashyize hanze urukingo ruvura ubumara bw’inzoka rwa ‘antivenom’ rukuwe mu maraso y’umuntu.
Uru rukingo rwakozwe rukuwe mu maraso y’umugabo w’umunyamerika, Tim Friede warumaze imyaka 18 yitegeza inzoka zikamurya kugira ngo umubiri we w’ubake ubudahangarwa.
Abashakashatsi mw’igerageza bakoze babonye ko uru rukingo rushobora kuvura ubumara bw’inzoka ku nyamanswa zarumwe n’inzoka ndetse no ku muntu.
Friede avugako mu gihe kingana ni imyaka 18 yariwe ni inzoka inshuro zirenga 200 mu mubiri we hakaba harinjiyemo ubwoko burenga 700 bw’ubumara bw’inzoka zitandukanye harimo nizimenyerewe ko ubumara bwazo bwica harimo iyitwa mambas,taipans, cobras ndetse kraits.
Akomeza avuga ko ubwo aheruka kugerageza ibi byari bimuviriyemo gupfa nyuma yo kurumwa ni inzoka 2 zo mu bwoko bwa cobra bikamuviramo kugwa muri koma.
Ubusanzwe inkingo zivura ubumara bw’inzoka zikorwa hifashishijwe uburyo bwo gukubaganya inzoka igasohora ubumara mu kintu bateguye hanyuma ubu bumara bukaba bwagenderwaho mu gukora urukingo.
Iyo uru rukingo rumaze kuboneka rushobora kugeragerezwa kunyanswa nk’imbeba mbere y’uko rutangira gukoreshwa ku bantu.
