paul-kagame

AGAHIMANDYALYA

Nimuhorane Imana !

Abagira ubwenge bagira ngo abagira amaso ntibarora. Mu mishinga y’ikirenga ya Kagame harimo n’uwo kwiyoberanya nk’uruvu mu ishikashike, akamenya gusekera isi kandi umutima wirabura, akigira nyoni nyinshi akera kurusha inyange kandi jenoside n’ubwicanyi ndengakamere bwadutwaye abacu ari we wabiteye kubera inyungu ze bwite. Aramara guca iteka ryo kunyaga cyangwa kwica umuntu akajya kuli twitter akivayo mu kwogeza no gusesengura umupira w’amaguru, bityo akerekana isura y’umutware utekanye kandi uryohewe n’umunyenga w’isi, ku buryo yitandukanya n’ibibi bimuvugwaho. Dore rero noneho cya cyunamo ngarukamwaka cya jenoside yakorewe abatutsi kiraje ahubwo turagowe : IBUKA, CNLG, DMI, Leta na za ambassade batangiye ingamba zidasanzwe mu gutsindagiriza jenoside, gutongera no gutoteza abo badashaka. Ubu bamwe muli twe bari butorongere bahunge, abandi bari butabwe muri yombi bafungwe, hari n’abagiye kwicwa. Banyarwanda, bavandimwe, twahereye cyera duhara amavi, dutegera ijosi aba bagome batwiciye bakatwica duhagaze. Aho bigeze rero, birakwiye ko twiyama Kagame tukamutangariza ibanga amaze imyaka 25 ahishahisha, ibanga ry’uko ari we ubwe watanze abatutsi ku nyungu ze. Niwe ubwe wahanuye indege ya Habyarimana atangiza ishyano, ndetse yohereza abicanyi mu matsinda y’interahamwe kugirango jenoside yihute. Dore igikwiye rero, dore agahimandyalya : kuva ku ya 07 kugera ku ya 15 Mata, twese tuzigumire mu ngo iwacu twange kwitabira ibirori n’umutumirano uwo ari wo wose wa Leta, ahubwo twibuke kandi dusabire abacu. Abari hanze y’u Rwanda, nimuhere uyu munsi mujye ku mbuga nkoranyambaga no ku maradiyo muvuge kandi mwandike mu ndimi eshatu ko Kagame ariwe ubwe watanze abatutsi. Nimumuhate iryo banga ubudatuza azageza aho aturumbuke.

Innocent Biruka, 02/03/2019

Please Consider Supporting ikizerenews

 

Follow Us